Капитенот на бразилската фудбалска репрезентација, Нејмар, остана без приватниот авион и јахтата, поради обвиненијата дека затајувал данок во времето кога го носел дресот на Сантос.
Како што наведуваат локалните медиуми, Нејмар од страна на бразилските власти е осомничен дека затаил данок во периодот од 2011 до 2013 година.
Одлуката на властите во Бразил е само дополнителен проблем за Нејмар, бидејќи во Шпанија се води судски процес против него кој, исто така, е поврзан со даночно затајување.
