Фудбалерите на Вердер Бремен и Борусија Дортмунд изборија пласман во полуфиналето на германскиот Куп, откако во четвртфиналето забележаа идентични гостински победи во Леверкузен, односно Штутгарт.
Вердер направи големо изнендување со елиминацијата на Баер Леверкузен. Гостите од Бремен слвеа со 3:1, а работата во четврфиналето им ја олесни Вендел, кој во 42.минута доби црвен картон.
Чичарито постигна гол за Баер, а потоа Вердер направи целосен пресврт со головите на Гарсија, Пизаро од пенал и Грилиќ.
Идентична победа забележа Борусија во Штитгарт, а головите за ’милионерите’ ги постигнаа Ројс, Обамејанг и Мхитаријан во самиот финиш на натпреварот, додека стрелец за домаќинот беше Руп.
Преостанатите две четвртфинални средби ќе се одиграат в среда, а се среќаваат Хофенхајм и Херта, односно Бохум и Баерн Минхен.
