Извршниот претседател на Фудбалскиот клуб Динамо од Загреб, Здравко Мамиќ поднесе оставка на својата функција. Мамиќ ова го објави на прес-конференција, откако Хрватската канцеларија за сузбивање на корупција и организиран криминал (УСКОК), пред неколку денови покрена нова истрага против него.
УСКОК води истрага против Здравко Мамиќ, кој двапати беше во притвор, а поради истрагата против него и неговиот син Марио, им се блокирани сите сметки.
„Од денеска повеќе не сум извршен директор на Динамо. Сакам Динамо, во кој јас се колнев толку години, непречено да се движи во иднината. Од денеска ќе бидам советник на клубот. Доколку некому му биде потребна помош, јас ќе бидам тука. Мора да знаете само едно, кога во 2000 година дојдов во Динамо, тој беше фудбалски клуб само поради името.
