Фенербахче скапо го плати триумфот над Цедевита (86:73), во петтото коло од Топ 16 фазата, во кошаркарската Евролига.
Турскиот тим на овој натпревар остана без двајца значајни играчи во ротацијата, поранешниот македонски репрезентативец Перо Антиќ и репрезентативецот на Грција, Костас Слукас.
Како што соопшти клубот, Антиќ го повредил мускулот и ќе отсуствува од терените во наредните три недели, додека двојно поголема пауза го очекува Слукас поради повреда на стапалото.
Фенербахче е единствената екипа во досегашниот тек од Топ 16 фазата со максимален ефект, а во наредното коло ќе му гостуваат на градскиот ривал Анадолу Ефес.
