Тренерот на Црвена ѕвезда, Миодраг Божовиќ, рекол дека тимот може само да добие со доаѓањето на доскорешниот член на Барселона Б, Давид Бабунски.
„Бабунски беше играч на Барселона Б, млад е и клубот не плати обештетување. Се обидуваме да погодиме ‘на слепо’, ако биде нешто од него тоа ќе биде супер. Ние нема што да загубиме, можеме само да добиеме од неговиот трансфер“, рекол Божовиќ.
Бабунски кој една деценија мина во прочуената школа на Барселона, Ла Масија, со Црвена ѕвезда договори две ипол годишна соработка.
Инаку, Црвена ѕвезда се наоѓа на подготовки во Словенија, каде досега одигра две средби и забележа победи над Анкаран (3:0) и Копер (4:3).
