Јапонската компанија „Honda“ откри специјализиран модел, главно наменет за велосипедистите. Тој се нарекува „Active Life“ и во моментот е само концепт.
Прототипот е базиран на „Civic Tourer“ и нуди како многу простор за патниците, така и за багажот. Најпрепознатлива црта сепак е товарниот простор, наменет за два велосипеда. Корисна карактеристика во просторот на багажникот е шината која може да се ротира и се користи и за придржување на велосипеди надвор од возилото за време на поправка.
Покрај овој практичен механизам, од „Honda“ размислувале за возење ноќе, па монтирани се големи светилки за поправки, како и компресор за воздух. На покривот има кутија за опрема и дополнителни елементи како шлемови и штитници, а во самиот автомобил- склопувачка клупа.
Надворешноста на „Active Life Concept“ е во сино, а во долниот дел бојата е прелева кон сива. 18-инчните тркала се насликани во сјајна црна боја и се потцртани од лајсни од алуминиум.
Користена за надворешноста, сината боја наоѓа место и во внатрешноста. Во оваа боја се воланот и тапацирот.
Прототипот на моделот не е случаен. Ви напомнуваме дека брендот е еден од генералните спонзори на настанот „Triathlon 2016“, каде и ќе биде прикажан „Active Life“.