Фудбалерите на Баерн Минхен, на теренот во Хамбург, со победа го отворија вториот дел од натпреварувачката сезона 2015/2016, во Бундеслигата. Екипата на Баерн ја забележа 16-та победа во шампионатот, додека Хамбург го претрпе осмиот пораз.
Победата на Баварците им ја донесе Левандовски кој најпрвин погоди од пенал во 37.минута, а потоа постигна помалку комичен гол во 61.минута. Единствениот гол за Хамбург беше авто гол на Чаби Алонсо во 53.минута.
Останатите натпревари ќе се одиграат во сабота и недела, а дербито е во Менхенгладбах каде домашната Борусија ќе ја пречека екипата од Дортмунд.
