Ватерполо репрезентацијата на Црна Гора ќе игра против Србија во финалето на Европското првенство, откако во полуфиналето ја совлада Унгарија со 8:5 (22:2, 2:1, 1:1, 3:1). Црна Гора со пласманот во финалето избори и директен пласман на Олимписките игри.
Црна Гора и Унгарија водеа вистинска борба во првите три четвртини, во кои блескаа голманите на двете репрезентации.
Унгарија имаше предност од 2:3, но Црна Гора со два гола го презеде водството и тој момент беше клучен на мечот. Во последната четвртина Црногорците имаа и повеќе сила и повеќе концентрација и заслужено се пласираа во финалето.
Ивовиќ и Јановиќ постигнаа по два гола за Црна Гора, исто колку што реализираа на спротивната страна Денеш Варга и Махерж.
Финалниот меч на програмата е во сабота од 17:45 часот, а претходно од 16:15 часот за бронзениот медал ќе се борат Грција и Унгарија.
