Аргентинскиот репрезентативец во дресот на Барселона Хавиер Маскерано осуден е во четврток на затворска казна од една година поради затајување на данок, но казната нема да ја отслужи бидејќи постигна договор со шпанските власти.
Маскерано избегна затвор поради затајување на данок
Аргентинецот во 2011 и 2012 година затаи еден ипол милион евра, на судот ја призна вината и пресудена му е една година затвор.
Сепак, фудбалер избегна казна со оглед дека успеа да се договори со даночните власти да помине само со парична казна од 815.000 евра. Маскерано го плати и долгот од 1,5 милиони евра плус 200 илјади евра камата.
„Постигнав спогодба со даночниците и случајот за мене е завршен. Јас сум спортист и не знам ништо за даноците и за правните работи, па се потпирав на луѓе, кои очигледно погрешно ме советуваа“, рече Маскерано, кој е трет фудбалер на Барселона, покрај Меси и Нејмар, обвинет за затајување на данок.