Милан е првиот полуфиналист во фудбалскиот Куп на Италија, откако во првиот меч од четвртфиналната програма го совлада Карпи со 2:1 (2:0).
Милан првиот гол го постигна преку Карлос Бака во 14.минута, Колумбиецот со рабона успеа да ја затресе мрежата на Карпи. Петнаесет минути подоцна Бака му асистираше на Нијанг за вториот гол на Милан.
Карпи во 50.минута го намали резултатот на 2:1 преку Мокусо, но до крајот не успеа да избори продолженија.
Остантите полуфиналисти ќе бидат познати денес кога своите четвртфинални натпревари ќе ги одиграат Специја и Алесандрија, Лацио и Јувентус, односно Наполи и Интер.
