Овен (21.03 – 20.04)
Чувајте си го грбот и не дозволувајте друг да ги преземе вашите заслуги. Ова е ваше време и треба да го искористите до максимум. Партнерот е ирационален и треба да му ја дадете својата поддршка. Вас ве нервира неговата таинственост, но тоа е само знак на слабост. Доколку сте сами, не предомислувајте се, туку храбро пристапете и на личноста за која сте заинтересирани.
Бик (21.04 – 21.05)
Досегашниот пат ви беше тежок и не би сакале повторно да се соочите со ситуации што ги имавте во изминатиот период. Сметате дека ви треба поголема слобода во одлучувањето и подготвени сте да се борите за тоа. Време е да ги напуштите стегите што ве притискаа и да почнете да размислувате на друг начин. Партнерот има големи планови во кои се обидува да ве вклучи. Но, вие сте обземени со себе и не му обрнувате големо внимание.
Близнаци (22.05 – 22.06)
Наместо помош вие ќе добиете безброј бескорисни совети кои ќе ве разочараат. Доколку разговорот му го пренесете на партнерот, очекувајте напад и од негова страна. Ќе се чувствувате како да сте виновни за нешто што не сте го направиле. Доколку сте сами, ви се појавуваат шанси на сите страни. Но, како никој да не ја задоволува вашата потреба за рамнотежа. Забавувајте се и не размислувајте премногу во тој правец.
Рак (22.06 – 22.07)
Стоите понастрана од еден колега кој смета дека се знае. Може да ве натера да кажете нешто што подоцна ќе биде пренесено кај претпоставените. Доколку сте во брак бидете внимателни, некоја тајна може да излезе на виделина. Слободните се во фаза кога на секој чекор можат да ја сретнат својата втора половина.
Лав (23.07 – 22.08)
Сметате дека вашето однесување би ги повредило членовите на вашето семејство и затоа останувате затворени во својот свет. Денес ќе успеете да направите зделка која одамна ја посакувате. Чувството на надмоќ кое ве обзема, на моменти ве тера да се однесувате како да сте криви за нешто. Бидете внимателни со претпоставените. Можно е да кријат нешто од вас. Партнерските односи се се уште на мртва точка.
Девица (23.08 – 22.09)
Од една страна сакате да одите напред, а од друга страна постојано се враќате назад. Незавршените работи ви предизвикуваат стрес, а можни се и критики од колегите. Наместо бурно да реагирате, време е да се соземете и да размислите за следните чекори. Во партнерските односи се трудите да анализирате некои минати ситуации за да можете да ги испланирате идните чекори.
Вага (23.09 – 22.10)
Доколку сте осамени, почнуваат да ви се случуваат работи за кои не сте подготвени. Брзината со која се случуваат ве тера да кочите. Околината не забележува што се случува со вас и смета дека сте расеани. Ако сте во брак, односите со партнерот ви се вообичаени. Како секој од вас да внимава да не се соочи со другиот.
Шкорпија (23.10 – 21.11)
Денес ќе бидете малку расеани и ќе сакате многу да направите, но тоа многу понекогаш може да се сведе на ништо. Време е да направите план и да им се спротивставите на претпоставените. Вашето молчење понекогаш може да значи и одобрување. Партнерските односи ви се добри, но тоа не е поради вас туку поради флексибилноста на партнерот. Доколку сте сами, имате многу шанси за флерт, но ништо повеќе од тоа.
Стрелец (22.11 – 21.12)
Нервозата од работата ја пренесувате и на партнерските односи. Вие сметате дека се однесувате коректно, но размислете дали е тоа така. Не треба секогаш нешто да кажете за да го изритирате партнерот. Некогаш и она што се премолчува може да биде причина за расправија. Време е за разговор.
Јарец (22.12 – 20.01)
Денес бидете внимателни околу финансиите. Трошоците ви се зголемуваат, а на повидок нема нови приливи. Внимавајте и на паричникот затоа што некој може да ви го украде. Партнерските односи би можеле да бидат добри доколку премолчите некои работи. Но, вие не сакате да молчите затоа што сознанието што го имате ве прави нервозни и ве разјадува однатре.
Водолија (21.01 – 19.02)
Завршете ја документацијата и не дозволувајте повторно да ви се натрупа. Доколку сте во брак или подолга врска, не почнувајте разговори кои не сте во состојба да ги завршите. Прво, добро подгответе го она што имате да го кажете, па потоа настапите. Може да се случи на крајот од расправијата вие да бидете виновни.
Риби (20.02 – 20.03)
Гледајќи се себе и своите успеси, можно е да не забележите што се случува покрај вас. Колегите едвај чекаат да направите грешка и да ги заземат вашите позиции. Денес ќе имате шанса да заработите нешто на брзина и не дозволувајте да ја пропуштите. Партнерот се труди да држи чекор со вас, но тоа тешко му успева. Престанете со критиките, не рушете му ја самодовербата.
