Плејмејкерот на Црвена ѕвезда, Маркус Вилијамс, кој пред 19 дена се врати во клубот најверојатно ќе си замине од Белград. Како што пишуваат белградските медиуми, Вилијамс, поради лични причини решил да се оди од клубот, во кој минатата сезона настапуваше со голем успех.
Американецот, не беше дел од тимот кој во четвртокот славеше убедлива победа над Задар (83:57) во АБА лигата. Иако тренерот Дејан Радоњиќ рекол дека Вилијамс има здравствени проблеми, медиумите шпекулираа дека тој веќе се договорил неговиот договор да биде раскинат.
Неофицијално, Американецот паднал на допинг тестот, кој интерно го направил клубот. Инаку, Вилијамс, во мај беше позитивен на марихуана, поради што доби суспензија од шест месеци, која му истече на 1.декември.
Како можна замена за Вилијамс се споменува младиот плејмејкер Василије Мициќ, кој поради повредите не се снајде најдобро во минхенски Баерн.
Тренерот на Црвена ѕвезда Радоњиќ по мечот со Задар изјавил дека на 28.декември ќе биде познато околу судбината на Вилијамс и евентуалните нови засилувања.
