Кевин Дурент со поените постигнати на пет секунди до крајот на мечот го реши дербито во НБА лигата помеѓу ЛА Клиперс и Оклахома (99:100). Победата над Клиперси беше 11-та на последните 14 натпревари за кошаркарите на Оклахома.
Дурент на пет секунди до крајот на дербито одиграно во „Стејплс центар“ во ЛА погоди за два поени, а потоа во последниот напад го блокираше шутот на Крис Пол. Мечот го заврши со 24 поени, девет скокови и седум асистенции. Најпрецизен кај Оклахома беше Реасел Вестбрук со 33 поени.
Кај Клиперси, кои сезонава имаат големи проблеми со повредите на одредени играчи, најефикасен беше Крис Пол со 32 поени и 10 асистенции.
Сан Антонио против Индијана победи со 106:92 и го запиша 16-от триумф, во исто толку натпревари на домашен терен оваа сезона. Кави Ленард уфрли 24 поени во нападот, а во одбраната го лимитираше најдобриот играч на Индијана Пол Џорџ на само седум поени.
Џејмс Харден постигна 36 поени во победата на Хјустон над Шарлот (102:95). Хјустон прв пат од стартот на сезоната успеа да победи на три натпревари во низа.
Резултати: Вашингтон-Сакрамнето 113:99, Чикаго-Бруклин 102:105. Атланта-Портланд 106:97, Хјустон-Шарлот 102:95, Бостон-Минесота 113:99, Њујорк-Орландо 99:107, Сан Антонио-Индијана 106:92, ЛА Клиперс-Оклахома 99:100.