Фудбалерот на Челзи Немања Матиќ во понеделник ги демантираше медиумските шпекулации дека бил еден од играчите што го саботирале тренерот Жозе Мурињо.
Матиќ: Не го саботирав Мурињо
„Со Мурињо поминав две прекрасни години и за него секогаш ќе ме врзуваат убави спомени. И јас неколку пати прочитав дека сум во лоши односи со Мурињо. Тоа веројатного напишале некои идиоти и не ми е јасно како јас се најдов во сета таа приказна. За тоа разговарав со Мурињо и обајцата се смеевме на таквите написи“, изјави Матиќ во Стара Пазова, откако вторпат по ред е прогласен за најдобар фудбалер на годината во Србија.
Покрај Матиќ, британските медиуми како главни ‘саботери’ ги означија уште и Фабрегас, Азар и Диего Коста.