Кире Лазаров освои уште еден трофеј, 48-ми во неговата кариера, откако со Барселона триумфираше во АСОБАЛ Купот. Барселона во финалето славеше над ЛА Риоха со 35:31.
Ла Риоха одигра одлично во првото полувреме, на моменти имаше четири голови предност, Барселона успеа да израмни на 18:18 во финишот на првиот дел, а во второто полувреме успеа да ја оправда улогата на апсолутен фаворит.
Лазаров со десет голови ја предводеше Барселона до победата, додека Жалуз постигна седум.
Она што Лазаров го демонстрираше на турнирот во АСОБАЛ Купот беше доволно за тој да го понесе МВП признанието за најкорисен играч.