На австрискиот скијач Матијас Маер, кој во саботата доживеа тежок пад на трката во спуст на Вал Гардена, скршени му се два вратни пршлени, а ноќеска му е направена операција, објави Австрискиот скијачки сојуз во недела.
Олимпискиот победник во спуст е прв скијач на кој при падот му се активира воздушното перниче во посебното одело кое го носеше на трката и се чини дека токму тоа му го спаси животот или пак од здобивањето потешки повреди при падот.
Дополнителните испитувања покажале скршеница на шестиот и седмиот вратен пршлен.
Маер е опериран во клиниката во Инсбрук, а за него, оваа сезона е завршена.
