Освојувачот на Копа Либертадорес, Ривер Плејт, се пласира во финалето на Светското првенство за клубови, кое се одржува во Јапонија. Аргентинците во првото полуфинале славеа со 1:0 (0:0) над Хирошима.
Ривер Плејт, покрај Барселона е главниот фаворит за титулата, но против жилавите Јапонци одигра просечен натпревар.
Клучниот момент се случи во 72-ра минута, кога Аларио ја искористи големата грешка на голманот на Хирошима, Хајаши, и со глава ја погоди празната мрежа.
Вториот полуфинален натпревар ќе се одигра в четврток, а ќе играат Барселона и Гвангжу Евергранде.
Финалниот натпревар на програмата е на 20-ти декември.
