Александар Трајковски и Филип Гачевски се лауреатите на Фудбалската федерација на Македонија (ФФМ) за сезоната 2014/2015.
Во традиционалниот избор на ФФМ, играчот на Палермо, Трајковски е прогласен за најдобар македонски играч во странство, а Гачевски кој од Брегалница направи трансфер во Вардар е најдобриот играч во домашното првенство.
Новиот селектор на фудбалската репрезентација Игор Ангеловски, кој како тренер на Раборнички стигна до плеј оф рундата во Лига Европа е прогласен за најдобар тренер.
Фудбалската интернационалка Наташа Андонова повоторно е избрана за најдобра фудбалерка.
Кире Марковски од фудбалскиот клуб Работнички е прогласен за најдобар млад играч, додека Емин Изаири од Ренова е најдобриот стрелец во домашното првенство.
Наградите на ФФМ во футсал конкуренцијата ги понесоа тренерот на Железарец Иван Божовиќ и играчот Мартин Тодоровски.
ФФМ на легендарниот голман Благој Истатов му врачи признание за животно дело.
НАЈДОБРИТЕ ВО МАКЕДОНСКИОТ ФУДБАЛ ВО СЕЗОНА 2014/2015
НАЈДОБАР ФУДБАЛЕР ВО СТРАНСТВО: Александар Трајковски (Палермо, Италија)
НАЈДОБАР ФУДБАЛЕР ВО ПРВАТА ЛИГА: Филип Гачевски (Брегалница/ Вардар)
НАЈДОБАР ТРЕНЕР: Игор Ангеловски (ФК Работнички)
НАЈДОБАР СТРЕЛЕЦ: Изаир Емини (ФК Ренова)
НАЈДОБАР МЛАД ФУДБАЛЕР: Кире Маркоски (ФК Работнички)
НАЈДОБАР МЛАД СТРЕЛЕЦ: Марко Ѓорѓиевски (ФК Вардар)
НАЈДОБАР ТРЕНЕР ВО МЛАДИ КАТЕГОРИИ: Влатко Колев (ФК Металург)
НАЈДОБАР КЛУБ ВО МЛАДИНСКИ ФУДБАЛ: ФК Металург
НАЈДОБАР СУДИЈА: Александар Ставрев
ПРИЗНАНИЕ ЗА ЖИВОТНО ДЕЛО ВО ФУДБАЛОТ: Благоја Истатов
ФЕР-ПЛЕЈ ЕКИПА: ФК Работнички
НАЈДОБРА ФУДБАЛЕРКА: Наташа Андонова (Розенгард, Шведска)
НАЈДОБАР ТРЕНЕР ВО ЖЕНСКИ ФУДБАЛ: Дарко Костадиновски (ЖФК Драгон)
НАЈДОБАР СТРЕЛЕЦ ВО ЖЕНСКИ ФУДБАЛ: Ели Јаковска (ЖФК Драгон)
НАЈДОБАР ТРЕНЕР ВО ФУТСАЛ: Иван Божовиќ (КМФ Железарец – Скопје)
НАЈДОБАР ИГРАЧ ВО ФУТСАЛ: Мартин Тодоровски
