Европската фудбалска унија (УЕФА) го објави идеалниот тим на фазата по групи во Лигата на шампионите.
Изборот на УЕФА е контроверзен бидејќи во идеалниот тим нема ниту еден играч на Барселона, која супериорно го освои првото место во својата група, а полемики ќе предизвика и изборот на голманот на ПСЖ Кевин Трап.
Нападот, во идеалниот тим го предводат Кристијано Роналдо, кој постигна 11 голови, со што стана апослутен рекордер во оваа фаза, Томас Милер и Хулк. Трап, според УЕФА во Лигата на шампионите имал подобра полусезона од Мануел Ноер, Јан Облак, Џиџи Буфон, Џо Харт.
ЛШ, иделаните 11:
Голман: Кевин Трап (ПСЖ)
Одбрана: Андреа Барзаљи (Јувентус), Диего Годин (Атлетико Мадрид), Тијаго Силва (ПСЖ), Давид Алаба (Баерн Минхен)
Среден ред: Вилијан (Челзи), Рахим Стерлинг (Ман.Сити), Свен Кумс (Гент)
Напад: Хулк (Зенит), Томас Милер (Баерн Минхен), Кристијано Роналдо (Реал Мадрид).
