Четири големи пресметки ќе понуди осминафиналната фаза во Лигата на шампионите. Пладневната жрепка во Нион, немаше милост кон најголемите фаворити во елитното натпреварување спојувајќи ги ПСЖ и Челзи, Арсенал и Барселона, Јувентус и Баерн Минхен, односно Рома и Реал Мадрид.
ПСЖ и Челзи трета сезона по ред се среќаваат во нокаут фазата, пред две сезони Челзи ги мина парижаните во четвртфиналето, а минатата сезона ПСЖ и „сините“ одиграа драматичен осминафинален двомеч, по кој во четвртфиналето мина францускиот шампион.
Актуелниот вицепрвак на Европа Јувентус, за пласман меѓу најдобрите осум ќе се бори со Баерн Минхен, а европскиот првак Барселона за прв противник во нокаут рундата го доби Арсенал, против кого има позитивен скор.
ЛШ, осминафинални двојки:
Гент – Волфсбург
Рома – Реал Мадрид
ПСЖ – Челзи
Арсенал – Барселона
Јувентус – Баерн Минхен
ПСВ Ајндховен – Атлетико Мадрид
Бенфика – Зенит
Динамо Киев – Манчестер Сити
Првите осминафинални натпревари ќе се одиграат на 16-ти, 17-ти, 23-ти и 24-ти февруари, а реваншите се на програмата на 8-ми, 9-ти, 15-ти и 16-ти март 2016-та година.
