„Google“ таблетите можеби наскоро ќе добијат исклучително корисна опција каква што имаат „iPad“ и „Windows“ уредите: „multi-tasking“ благодарејќи на „split-screen“ функцијата.
Тимот на „Google“ – „Pixel C“ откри на сесијата прашања и одговори на друштвената мрежа „Reddit“ дека работат на нова опција за „Android“ таблетите, иако не прецизираа кога ќе им биде достапна на корисниците.
„Вредно работиме на подобрување на „Android“. Има иновации, како „multiwindow“ опциите, но повеќе за тоа ќе соопштиме подоцна“, вели директорот на одделението за кориснички интерфејс на „Android“ и „Chrome“, Глен Марфи.
„Apple“ конечно ја додаде долгоочекуваната опција на новиот „iPad“ кој беше претставен во септември и кој работи на „iOS 9“. Oваа функција овозможува да користите две апликации во исто време.
