„Samsung“ го претстави „Internet for Gear VR“, системот кој би требало да овозможи сурфање на Интернет во виртуелна реалност.
Корисниците на „Samsung“ мобилните телефони од линиите „Galaxy S6“, „Note 4“ и „5“ во комбинација со уредот „Samsung Gear VR“ ќе можат да ја тестираат можноста за сурфање на Интернет во виртуелна реалност. Апликацијата ќе поддржува видео содржини темелени на „HTML5“, како и „3D streaming“ и содржини снимени во 360 степени.
Ќе биде овозможено коментирање на содржините на Итернет со помош на глас или со тастатура во режимот „Gaze Mode“, кој овозможува „типкање“ без користење на рацете, односно доволно е само да се гледа во копчето кое корисникот има желба да го притисне.
„Samsung Internet for VR“ е достапен во тест верзија на „Oculus Store“.
