Падот на цените на нафтата во светот се одразува добро, како на бизнисот, така и на домаќинствата.
Но сепак не е таква состојбата кај дел од нафтените компании, кои пријавиле намалувања во добивката, а други дури се борат за опстанок.
Еве колку чини производството на барел нафта во топ 20-те најголемите нафтени производители.
Според пресметките излегува дека најскапо е производството во Велика Британија и Бразил, каде приносот на 1 барел нафта се пресметува на 52.50 и 48.80 долари. Малку поевтино е во Канада и САД или 41 и 36.20 долари, како и во Норвешка – 36.10 долари, пишува „CNN Money“.
Околу 35 долари за барел е вредноста на 1 барел добиена нафта и во Ангола и Колумбија, додека првите 10 се дополнуваат со Нигерија, Кина и Мексико. 11-тата позиција според цена за производство на еден барел ја зазема Казахстан со 27.80 долари, а по неа се Либија и Венецуела со 23.80 и 23.50 долари, како и Алжир со 20.40 долари. Под 20 долари е цената во Русија (17.20 долари), како и во Иран и Обединетите Арапски Емирати – 12.60 и 12.30 долари.
Најевтина нафта има во Ирак – 10.70 долари, Саудиска Арабија со 9.90 долари и Кувајт – 8.50 долари. Во меѓувреме стана јасно дека Индонезија ќе се приклучи на ОПЕК како нејзин 13-ти член. земјата, која троши два пати повеќе нафта од количеството што го произведува, и се враќа во организацијата 7 години, откако ја напушти.
