Овој компјутер може да се вклопи во вашиот џеб. Според „CNBC“, финската компанија „Solu“ го има создадено досега најмалиот компјутер во светот кој бил понуден на пазарот.
Неговата форма е квадратна со должина од 10 см и дебелина од 1,2 см. „Solu“ има свој оперативен систем базиран на „Linux“.
Уредот се нуди по цена од 349 евра на сајтот за групно финансирање „Kickstarter“ каде „Solu“ ја достигна целта од 200.000 евра финансирање.
„Solu“ има 4-инчен екран и 2.3 GHz процесор. Од компанијата веќе започна и со продажба на специјалната рачноизработена тастатура, направена од дрво по цена од 150 евра. Тастатурата сепак не може да биде купена без уредот.
Првите испораки на компјутерот и тастатурата се очекуваат во јануари 2016-та година.