„Syngenta“, швајцарската агро-хемиска компанија доби понуда за превземање од страна на кинеската државна компанија „China National Chemical Corp.“.
Понудата беше „тешка“ 42 милијарди долари, дознава „Blооmberg“ од неименувани извори.
„Syngenta“ претходно во оваа година ја одби понудата за превземање од американски „Monsantо“. „Monsanto“ тогаш понуди 47 милијарди долари. „Blооmberg“ дознава дека преговорите со кинеската компанија сепак продолжуваат, како и дека договорот би можел да биде постигнат во рок од неколку недели.
Двете компании одбиваат да ги коментираат овие информации?
Со превземањето на „Syngenta“, кинеската компанија ќе добие полесен пристап на странските пазари, но и технологијата на швајцарската компанија.
„Syngenta“ е присутна на 120 пазари и е светски лидер во истражувањата.
