Јапонската компанија „Infiniti“ започна со развој на нов предводник со хибридна технологија, кој ќе треба да се натпреварува со „Mercedes-Benz S-Class“. Во основата на моделот ќе биде концептот „Q80 Inspiration“ (на фотографиите) прикажан минатата есен на саемот за автомобили во Париз, соопштува „Automotive News“.
Според зборовите на претставник на производителот, идниот автомобил треба да биде подготвен за сериско производство за 3 години. Првата фаза на развој е доверена на англиската поделба на „Infiniti“ која е базирана во градот Кренфилд. Јапонците веруваат дека нивниот нов модел ќе може да се натпреварува не само со хибридната „S-Сlass“, туки и со еко машината на „Porsche“ – „Panamera E-Hybrid“.
Шефот на европската единица на „Infiniti“ – Франку Гупил де Буие, е категоричен дека новиот модел ќе ги прошири сериозно можностите пред возачот. Ако тој се користи претежно во град, ќе се користи само електрична енергија. При минување на големи растојанија, возилото ќе работи во хибриден режим.
Засега не се објавени технички карактеристики на идниот предводник на „Infiniti“. За споредба концептот „Q80 Inspiration“ беше опремен со агрегат, во кој влегуваат бензински „V6“ и два електромотори. Вкупната моќност на хибридниот систем е 550 КС.