Во последниве години гледаме ревитализација на руските автомобилски производители, најмногу во сегментот на достапните машини. Новосоздадената руска компанија „Bilenkin Classic Cars“, сепак се позиционира во сосема различен сектор, каде што на клиентите на прво место не им е цената, туку опремата и индивидуалноста.
Компанијата, која до сега беше позната како работилница за реставрација на класични автомобили, ги претстави своите нови автомобили на автосаемот во Дубаи. Всушност моделот е само еден и е наречен „Vintage“, но може да биде исполнет во безброј варијации.
Возилото се обложува на класичен дизајн и напредни технологии. Малата руска компанија не направила бесмислени обиди да создаде свои агрегати, технологија или шасија. Наместо тоа се потпреа на докажаната техника на „BMW 3-Series“. Донаторот е претходната генерација на германскиот бестселер – „E92“, а може да се користат како нови, така и користени примероци.
Доколку го погледнеме рускиот „Bilenkin Vintage“ тешко можеме да најдеме сличности со „BMW 3-Series“. Заслуга затоа има и студиото „Cardi“ кое е партнер на „Bilenkin Classic Cars“ и е одговорен за дизајнот на моделот.
Рускиот луксузен автомобил со класичен дизајн се потпира на купе од полимери, а се изработува рачно. Техничкиот дел е целосно аналоген со оној на донаторот кој според конкретната клиентска желба може да биде со бензински или дизел мотор, и погон на задните тркала или 4х4.
„Bilenkin Classic Cars“ располага со работилница, чиј годишен капацитет е 10 возила. Што се однесува до цените, тие се строго врзани со желбите на клиентот. Црниот автомобил на сликите пример чини 130.000 евра, додека тиркизното купе има цена од 250.000 евра.
Компанијата како таргет за свои клиенти не ги има само руските богаташи, туки и барателите на модерни автомобили со беспрекорен класичен дизајн од сите краеви на светот.