Скандалот со манипулација на податоците кај дизел моторите на „Volkswagen“ не влијаеше на продажбата на нови автомобили во Европа. Досегашниот лидер „VW Golf“, не само што останува на врвот, туку и ги подобрува резултатите, покажува статистиката за првите 9 месеци во 2015-та година.
Хечбекот повторно е далеку пред останатите по продажба на Стариот континент, па за овој период реализирал продажба на 505.586 примероци. Тоа е зголемување за 12,8% во споредба со истиот период во 2014-та година. На второ место е друг модел на „VW“ – „Polo“ со 280.612 возила (зголемување за 3,6 проценти), а на трето е „Renault Clio“ со 264.784 единици (+4,1%).
Во првата десетка се наоѓаат уште „Ford Fiesta“ (257.156), „Opel Corsa“ (219.061), „Nissan Qashqai“ (200.463), „Ford Focus“ (194.365), „Skoda Octavia“ (192.534), „Volkswagen Passat“ (188.191) и „Peugeot 208“ (183.728).
Во Топ 20 место имаше и за „Audi A3“ (161.669), „Peugeot 308“ (155.653), „Opel Astra“ (149.920), „Mercedes-Benz C-Class“ (147.662), „Renault Captur“ (147.134), „Toyota Yaris“ (141.502), „Opel Mokka“ (132.775), „Fiat 500“ (132.151), „Fiat Panda“ (131.093) и „Kia Rio“ (125.503).