„Златната кокошка“ на „Renault“, како од пред некое време беше одредена романската марка „Dacia“, продолжува да несе „златни јајца“. Брендот се пофали со продажба од 3,5 милиони возила во Европа и Медитеранскиот басен постигнати за период од приближно 10 години.
Јубилејниот продаден автомобил на пазарот е моделот „Sandero Stepway“, порачан од клиент во Англија. Тоа е дамата Џоди Панов, кој при неодамнешната посета на Турција го забележала моделот и многу и се допаднал. Малку потоа го посетила застапништвото „Mill Lane Dacia“ каде го нарачала возилото, се вели во пораката од „Dacia“.
„Денес го предаваме клучот од 3,5-милионитиот примерок на „Dacia“. Многу сум среќен што тоа се случува во Велика Британија, каде брендот беше лансиран во 2013-та“, изјави Денис ле Вот, постар заменик претседател за Европа на „Groupe Renault“.
Постигнувањето на јубилејот е само еден од поводите за гордост на Романците. Откако пред 2 години брендот ја реновираше својата палета на модели, продажбата постојано расте. Во првата половина на 2015-та година, имплементацијата на „Dacia“ се зголемија за 10,1% до 290.024 примероци, покажуваат официјалните податоци. Продажбата во Европа се зголеми за 5,5% во првата половина на годината, достигнувајќи 205.436 примероци. Во Франција, „Dacia“ цврсто останува на 5-то место на пазарот на патнички автомобили со 5,3% удел на пазарот, како бренд е 4-та при продажбата на автомобили на мало.