Меѓународната компанија за истражување на пазарот во технолошкиот сектор, „Canalys“, објави нова студија за бројот на продадени „Apple Watch“ уреди, што е значително под нивото на кое се надеваа голем број набљудувачи од „Wall Street“.
Но споменатите од „Canalys“, 7 милиони паметни часовници значат дека за првите шест месеци по лансирањето на продажбата, „Apple“ успеал да продаде повеќе паметни часовници од сите негови конкуренти заедно.
За третиот квартал „Canalys“ предвиде дека „Apple“ е единствениот производител на паметни часовници, кој има продадено повеќе од 300.000 единици. Изработката и успехот на „Pebble“, кој со стартот на продажбата на „Pebble Time Steel“ продаде 200.000 часовници. Серијата „Samsung Gear“ сепак мора да го надмине падот на продажбата, веројатно затоа што корисниците се воздржуваат од купување, а како причина се наведува појавувањето на новиот модел „Gear 2“.
„Fossil“ и „Tag Heuer“ се двајцата нови играчи кои на овој пазар ќе се појават токму пред божиќните празници. И двете компании имаат искуство во производство на конвенционални часовници, а „Fossil“ веќе една деценија експериментира со паметни часовници.
Од тоа колку добро „Apple Watch“ ќе се продава во последниот квартал, ќе се направи сериозен заклучок за зрелоста на пазарот, коментира за „ZDNet“, Даниел Меит.
„По првичните значителни ограничувања во синџирот на снабдување, сега „Apple“ ги исчисти производствените проблеми и е подготвен за раст во текот на кварталот“.
Самиот „Apple“ досега не обезбеди податоци за продажбата на својот паметен часовник. Во септември новото истражување покажа дека 12 отсто од купувачите на „Apple Watch“, не се задоволни од купениот производ. 87 отсто, сепак се искажуваат исклучително позитивно, а 55 отсто со голема веројатност би го препорачале производот.
Испитаниците ја критикуваа пред се кратката издржливост на батеријата и зависноста од „iPhone“.
