Официјална информација и фотографии за луксузниот „SUV GLS“ објави германската компанија „Mercedes-Benz“. Моделот претставува наследник на „GL“, а ќе биде достапен на пазарот подоцна во оваа година.
„S-Class меѓу SUV моделите“, така Германците претставуваат својот модел кој претставува дотерана верзија на теренецот, кој до неодамна беше познат под името „GL“.
Промените на надворешноста на луксузниот автомобил не се големи, а влијаат на предните светла, браници, решетката на ладилникот, линиите позади, како и предложените бои и тркала.
Внатрешноста исто така не е менувана премногу, но сепак се гледа новиот инфо-систем за забава кој има 8-инчен дисплеј, нов волан, „Touchpad“ управување со функциите и друго. Со доплата се нуди и јонизатори кој според информациите опипливо го подобруваат квалитетот на воздухот во кабината.
Сериозна надградба сепак е направена во однос на системите за безбедност и удобност, од кои повеќето се директно превземени од новата генерација на предводникот „S-Class“. Меѓу нив се активниот автоматски систем за ноќно гледање, активниот систем за одржување на лентата на движење, технологија за стабилизација при странични ветрови и многу други.
Промени има и во палетата на мотори. Би-турбо „V8“ агрегатот, поставен на „GLS500 4MATIC“, веќе доаѓа со 20 КС повеќе – 449 КС и 699 Нм. Зголемена моќност демонстрира и верзијата „GLS 63 AMG“, при што показателите се веќе 577 КС и 760 Нм. Дизелот 3.0 V6, поставен на „GLS350d 4MATIC“, пак нуди 255 КС и 616 КС.
Сите модели со исклучок на „AMG“ модификацијата се опремени стандард со новиот 9-брзински автоматски менувач „9G-TRONIC“, а за доплата можат да бидат опремени со централен диференцијал со блокирање. Кај „GLS 63 AMG“ трансмисијата е „AMG SPEEDSHIFT PLUS 7G-TRONIC“.
Јавната премиера на „Mercedes-Benz GLS“ ќе се одржи на автосаемот во Лос Анџелес, САД. Стартот на продажбата ќе бидат позната на крајот на месец ноември, кога и ќе се одржи саемот.