Дали македонските граѓани се подготвени да платат помалку за нешто што e со понизок квалитет, што носи ризик или да платат приближна цена до таа која се нуди на некои од популарните странски онлајн продавници, па за возврат да добијат гаранција, сервис и сигурна испорака од македонските компании?
Ако до пред неколку години македонските граѓани беа уплашени да купуваат онлајн поради сомнежот дека податоците од нивните платежни картички не се доволно безбедни или ќе бидат злоупотребени, денес во Македонија онлајн купувањето стана секојдневние. Стекнатата доверба се должи на големата експанзија кај македонски компании кои преку своите веб-страници овозможија онлајн купување и плаќање, нешто што во странство веќе со години е вообичаена работа. Но со надминување на таа бариера се создаде нов проблем, не на домашниот пазар, туку при купувањето на производи од странски онлајн продавници. Оналјан продавниците каква што е на пример AliExpress несомнено нудат широк спектар на производи, но многу често не бил секој задоволен од тоа што го нарачал, а го добил за возврат. Голем број примери на социјалните мрежи сведочат за такви искуства при купување од вакви популарни онлајн шопинг платформи .
Неодамна на Фејсбук имаше сведоштво од едно момче кое нарачало мобилен телефон од една од ваквите онлајн продавници по намалена цена во споредба со домашниот пазар, но телефонот не издржал повеќе од еден месец. Гаранција за тоа немало, па овластениот сервис што е во Македонија не можеле да му помогнат да го реши проблемот. Сличен пример било и со нарачките на заштитните маски и гаџети за телефон, кои не одговарале соодветно за моделот на телефонот иако биле наменети токму за него. Да не ги заборавиме парчињата облеки кои се далеку од она што е прикажано на фотографиите, почнувајќи од моделот, дизајнот, материјалот на изработка и на погрешниот конфекциски број. Сето тоа создава сомнеж дали нависина вреди да купувате од таму и дали се исплати ризикот за тоа. Чекањето на артиклите повеќе од месец дена е само податок плус кој внесува неизвесност дали и кога ќе стигне тоа што сте го нарарачале.
На оваа тема околку сервисот и гаранциите за производите разговаравме и со Игор Николоски, раководител на KIK service, овластен сервис партнер за Samsung, Whirlpool и за Panasonic. Игор го посочува истиот проблем кога станува збор за квалитетот и за гаранцијата на производите што се купуваат од странските онлајн продавници.
„Ние како овластен сервис партнер за Samsung, Whirlpool и за Panasonic се соочуваме со сите незгоди што ги стекнуваат граѓаните при купувањето на производи од странските популарни интернет продавници. Имало многу случаеви каде гаранцијата не била валидна, производот бил оштетен при транспортот или квалитетот на производот не ги задоволувал основните критериуми. Со тоа граѓаните кои имале невалидни гаранции се изложуваат на дополнителен трошок при поправка, па со тоа често го надминуваат и износот на производите што можеле да ги купат во Македонија, а притоа да им биде обезбеден сервис, гаранција и квалитет каков што заслужуваат“, посочува Николоски.
За волја на вистината има многу евтини работи кои може да се најдат на странските онлајн продавници, но при купување на техничка стока треба да се размисли двапати затоа што многу лесно може да ви се случи истото она што им се случило на голем број македонски купувачи.
Низата на вакви примери и негативни искуства го отвараат прашањето: Дали македонските граѓани се подготвени да платат помалку за нешто што e помалку квалитетно, што носи ризик или да платат приближна цена до таа која се нуди на странските интернет продавници, па за возврат да добијат гаранција, сервис и сигурна испорака од македонските компании? А посебно да се запрашате при идејата за купување техника затоа што големите маркети за техничка стока во Македонија нудат гаранција и сервис за своите производи, а разликата во цените со странските шопинг платформи е скоро иста, тогаш зошто би купувале нешто од таму кое веќе го имаме на нашиот пазар?
