Турската лира силно скокна во понеделникот по победата на владејачката конзервативна партија на претседателот на Турција, Реџеп Тајип Ердоган на предвремените парламентарни избори.
Лирата во утринските часови забележа скок од над четири отсто. Доларот денеска се менува за 2,78 лири, а еврото за 3,07.
Партија на правдата и развојот (АКП), која е на власт од 2002-ра година, освои 49,4 отсто од гласовите според нецелосните податоци.
Турската валута загуби 20 отсто од вредноста во однос на доларот и еврото од почетокот на годината поради забавениот економски раст, високата стапка на инфлацијата и државниот дефицит.