Првиот од шесте кинески современи патнички возови пристигна во на шините на Железничката станица- Скопје.
Кинеската електромоторна гарнитура во наредните месеци е предвидено да се тестира на пругата од Табановце до Гевгелија, машиновозачите да се обучат за нејзино управување, додека железничкиот сервисен персонал треба да стекне знаења за нејзино одржување.
Новите современи возови ќе ги исполнуваат највисоките европски стандарди за превоз на патници, како во поглед на техничките карактеристики, така и во поглед на задоволување на стандардите за квалитетен превоз на патниците.
По пристигнувањето на сите возови и реконструкцијата на повеќе железнички станици, вклучувајќи ја и таа во Скопје, Македонија ќе може да се вброи во земји со добра железничка инфраструктура.
