„BMW“ претстави специјална модификација на седанот „M5“ која го има добиено додатокот „Pure Metal“ кон своето име. Возилот ќе биде во ограничена серија од 20 примероци и ќе го добие моторот од минатогодишната верзија, посветена на 30-годишнината на „M5“ и произведена во серија од 300 возила.
Спортскиот седан е со специјална боја на каросеријата – сива металик, која е подготвена специјално за овој автомобил од делот „BMW Individual“. Машината располага уште со 20-инчни тркала, како и со ентериер од кожа и алуминиум, во кој е вметната специјална плакета со натпис „PURE METAL M5“.
Оваа модификација на „BMW M5“ располага со 4,4-литарски, 8-цилиндрарски твин-турбо мотор, при што моќта достигнува 600 КС. Тоа овозможува забрзување од 0 до 100 км/ч за 3,9 секунди. За споредба стандардната „M5“ се потпира на 560 КС и крева 100 км/ч од место за 4,3 секунди.
Новата верзија уште во основната опрема има избор на спортски пакети „Competition“ и „M Driver’s“. Во првиот влегува намалување од 10 мм на суспензијата, активен „М“-диференцијал на задната оска и карбон-керамички сопирачки. Додека пак вториот овозможува развивање на максимална брзина од 305 км/ч.
