Гласините за заеднички суперавтомобил на „BMW“ и „Lexus“ кружат веќе подолго време, но сега висок менаџер од компанијата со седиште во Минхен ги негираше, пренесува „Automobile Magazine“.
За изданието, Анонимниот член на одборот на директори на „BMW“ бил категоричен дека ваквиот автомобил нема како да биде создаден.
Двете компании сепак работат во тесна соработка при создавањето на еколошки погонски системи, а исто така разменуваат искуства и за различни компоненти. „BMW“ и „Toyota“ работат и врз заеднички спортски автомобил кој ќе биде идеолошки заменик на моделите „Z4“ и „Supra“.
Шпекулациите во различни медиуми покажуваат дека евентуалниот иден суперавтомобил на „BMW“ може да користи карбонски монокок на „McLaren 650S“. Оваа можност беше негирана од страна на раководителот на „BMW M GmbH“, Франк ван Мил, кој сепак не изнесе никакви детали.
Сепак, се очекува за моделот да биде искористен 4,0-литарски V8 мотор со четири турбини (две класични и две електрични) и моќност од најмалку 750 КС.
