Поради малиот интерес на купувачите, кинескиот производител се повлече од Европа и се фокусираше на домашниот пазар, а развојното одделение продолжи со работа на нови модели.
На ред е првиот вистински „SUV“ – „Qoros 5“, кој ќе има премиера на 20-ти ноември.
„Qoros 5“ е позициониран над моделот „3 City SUV“ од 2014-та година.
Станува збор за „SUV“ возило од средна големина со должина околу 4,6 метри.
Врз основа на првите официјални фотографии може да се заклучи дека производителот останал верен на дизајнот кој е основа на првите три модели.
Оние кои го следат развојот на брендот ќе ја препознаат карактеристичната маска на ладилникот со масивна хромирана лајсна под која се наоѓа амблемот на компанијата.
На задниот дел, кој е дизајнерски помалку успешен, се истакнува заштитниот додаток на долниот дел на браникот во кој се вклопени две симетрично позиционирани издувни цевки.
Фотографиите од внатрешноста засега не се достапни, како и техничките детали на овој модел.