Новиот извршен директор на „Twitter“, Џек Дорси одлучи да отпушти 336 луѓе со цел да ја „подобри работата на компанијата“.
Дорси тоа денеска го напиша во „e-mail“ пораката под наслов „Фокусиран Twitter“, која ја испрати на вработените во компанијата.
Тоа во превод би значело дека околу осум проценти од работниците ќе добијат отказ, со оглед на проценката дека за „Twitter“ работат околу 4.100 луѓе.
„Ова не е лесно, но е вистинска одлука. На светот му е потребен силен „Twitter“, a oва е само едно скалило кон тоа“, истакна Дорси.