Тимот од „Google“ верува дека интернет страните на мобилните телефони и таблети се вчитуваат предолго, па поради тоа покренаа иницијатива која се нарекува „Accelerated Mobile Pages“ (AMP) која има за цел да го забрза вчитувањето на „web“ страните.
Во рамките на оваа иницијатива „Google“ ќе соработува со издавачите и со другите компании со цел да ги „олесни“ интернет страните и да ги направи компатибилни со поголем број на уреди. За таа цел е развиен нов „AMP HTML“ формат кој веб-мастерите можат да го искористат за своите содржини.
Од „Google“ велат дека овој формат можат да го користат апсолутно сите, и додаваат дека популарните интернет дестинации, како „Twitter“, „Pinterest“, „Word Press“ и „LinkedIn“ веќе покажале сериозен интерес.
„AMP“ иницијатива на „Google“ претставува еден вид на алтернатива на „Instant Articles“ на „Facebook“, како и поддршката на „Apple“ за блокирање на реклами во „iOS 9“. Исто како и „Google“ и овие две компании рекоа дека сакаат на корисниците на мобилни уреди да им обезбедат побрзо сурфање.
Повеќе информации се достапни тука.
