„Porsche“ го постави Оливер Блум за нов шеф на овој производител. Тој на местото прв човек на компанијата го замени Матијас Милер, кој е поставен на чело на „Volkswagen“ по оставката на дотогашниот директор Мартин Винтеркорн.
Блум (47), кој од 2013-та година беше задолжен за производство и логистика во „Porsсhe“, доби „зелено светло“ од надзорниот одбор на компанијата за именувањето на функцијата извршен директор од 1-ви октомври.
„Тој (Блум) е вистинскиот човек за оваа позиција, затоа што е дел од нас и во целост е посветен на „Porsche“. Многу е важно на такво место да дојде човек кој доаѓа од „производство““, изјави потпретседателот на надзорниот одбор, Уве Хик.