„Google“ вчера одржа голем настан на кој една од ѕвездите беше и телефонот „Google Nexus 5X“. Смартфонот го изработи компанијата „LG“.
„Nexus 5X“ го одликува 5,2-инчен екран со резолуција од 1920 x 1080 пиксели, како и оперативниот систем „Android 6.0 Marshmallow“.
На задната страна на телефонот има скенер за отисок на прстите. Што се однесува до останатите спецификации, тука се процесорот со шест јадра „Qualcomm Snapdragon 808“ кој работи на 2GHz, 2GB RAM и 16/32 GB интерна меморија, камера од 12,3 мегапиксели со ласерски автофокус на задната страна (со „dual LED“ блиц и 2160p видео снимање), како и предна камера од 5 мегапиксели.
Телефонот е со дебелина од 7,9 mm, а неговата тежина изнесува 136 грама. Тука е и „microUSB Type-C port“ од следната генерација, додека изборните конекции вклучуваат „Wi-Fi 802.11ac“ (2×2 MIMO), „NFC“, „Bluetooth 4.2“ и „GPS/GLONASS“. Батеријата е со капацитет од 2700mAh.
„Google Nexus (LG) 5X“ e веднаш достапен во одреден број на земји, по цена од 479 eвра зa моделот со 16GB и 529 eвра за верзијата со 32GB.
Компанијата го претстави и моделот „Nexus 6P“ кој го произведува кинеската компанија „Huawei“. Моделот има 5,7 инчен екран со резолуција 2.560 х 1.440 пиксели со „Gorilla Glass 4“. Уредот е опремен со 2,0 GHz 64битен „Qualcomm Snapdragon 810“ процесор со осум јадра, 3 GB RAM меморија и батерија од 3.450 mAh.
Во продажба ќе бидат три изведби со интерна меморија од 32, 64 и 128 GB. Nexus 6P има задна камера од 12,3 мегапиксели со ИР ласерски фокус, што може да снима 4К видеа. На предната страна е камера со 5 MP, што може да снима видео од 30 фремови во секунда.
Телефонот е тежок само 178 грама, а неговите димензии се 159,3х77,8х7,3 милиметри.
