Кај смартфоните секогаш корисниците треба да прават компромиси. Оние кои сакаат смартфон со издржлива батерија на пример, нема како да се потпират на тоа уредот да е многу тенoк и лесен.
Нов производител кој собира средства во сајтот „IndieGoGo“, го презентира проектот за паметен телефон за кој ветува дека не прави компромиси.
Проектот е за уред со „Android“ со исклучителни технички карактеристики. Производителот ветува процесор „Snapdragon 820“, 6GB RAM меморија и 256 GB внатрешна меморија.
Камерата ќе биде 24-мегапикселна, а батеријата со моќност од 4.000 mAh. Сето ова ќе е во компактно куќиште со речиси никакви граници и дебелина од само 6 милиметри. Тоа е помалку од дебелината на моделот „iPhone 6“.
Проектот е наречен „Symetium“, но засега не е сигурно дека успешно ќе се соберат средства и на крајот ќе дојде до масовно производство.