Минатата недела „Oculus“ ја одржа својата „Connect 2“ конференција и понуди бројни клучни најави.
Меѓу нив е и потрошувачката верзија на „Gear VR“ уреди кои се потпираат на купувачите кои имаат смартфони на „Samsung“. Меѓутоа, кога станува збор за компјутерите, новитет беше „Oculus Ready“ програмата.
„Asus“ е меѓу првите производители на компјутери кој објави дека ќе се приклучи на програмата „Oculus Ready“ и порача дека компјутерите „ROG G20CB“ и „ASUS G11CD“ се подготвени да ги одведат корисниците на ново ниво на гејминг, кога ќе се поврзат со „Oculus Rift“ контролерот за виртуелна реалност.
Компјутерите ја содржат шестата генерација на „Intel Core“ процесорот и „Nvidia GeForce GTX“ графика. Сепак, гледајќи ги нивните спецификации можеме да заклучиме дека двата компјутери се прилагодени според потребите на корисникот се до „GeForce GTX745 4GB“ графика.
„Oculus“ препорачува спецификација во вид на „Nvidia GTX 970/AMD 290“ графика или подобри верзии, процесор „Intel i5-4590“ или подобар, како и 8 или повеќе GB RAM меморија.
