„Oculus“ на „Facebook“ и „Samsung Electronics“ ја покажаа новата верзија на „Gear VR“ – уредот за виртуелна реалност.
Цената на новиот модел е 99 долари, што е на половина на претходната верзија. Компаниите тврдат дека „Gear VR“ ќе биде пуштен за продажба во САД за време на „црниот петок“, а наскоро потоа ќе се појави и во светските пазари, пренесува „Ројтерс“.
Уредот е за 22% полесен од претходниот и ќе работи со сите телефони на „Samsung“ од 2015-та година, вклучувајќи ги „Galaxy Note 5“, „Edge Plus“, „S6“ и „S6 Edge“, откри Питер Ку, виш потпретседател на „Samsung Mobile“.
„Oculus“ изјави дека се здружил со „Netflx“, „Hulu“, „Vimeo“ и „Twitch“ на „Amazon“, па во следните месеци да обезбеди видео содржини и стриминг во живо во виртуелната реалност.
„Oculus“ откри дека работи со филмски компании, целта е корисниците да можат да ги купат или да изнајмуваат филмови. Компанијата го претстави „Oculus Arcade“ кој ќе ги носат игри како играта „Pac-Man“ во виртуелната реалност. Ова ќе се случи благодарение на партнерството со „Sega“, „Midway Games“ и „Bandai Namco Entertainment“.
