„Дизел“ скандалот кој го потресе концернот „Volkswagen“, веќе тропа на врата на друг голем германски производител – „BMW“.
Возила со дизел агрегат на компанијата со седиште во Минхен произведува отровни азотни оксиди кои се 11 пати повисоки од дозволеното во ЕУ, тврди во денешното издание германското издание „AutoBild“.
Моделот „BMW X3 xDrive 20d“ со 2,0-литарски дизел мотор бил подложен на тест од Меѓународниот совет за чист транспорт (ICCT), а резултатите покажале дека азотните оксиди се цели 11 пати над нормалата, покажува информацијата.
„Нашите податоци се категорични дека „Volkswagen“ не е единствената компанија со сличен проблем“, вели за весникот Петер Мок од „ICCT“. Но појаснува дека тоа воопшто не значи дека е користен софтвер за манипулација на податоците.
Од „BMW“ коментираат дека нивните автомобили не се опремени со сличен софтвер и додаваат дека ќе се поврзат со „ICCT“, за да добијат детали за нивното спроведено истражување. Според раководството на баварците, сепак нема да има разлика меѓу објавените досега индикатори и оние од тестовите.
Поради информациите акциите на производителот во Минхен поевтинија за 10% само во рамките на денешниот ден, па достигнаа ниво од 72.05 евра.
Акциите на другиот голем германски концерн – „Daimler“, исто така влијаеле од вкупната несигурност во секторот, постигнувајќи пад за 3,5 отсто.
