Производителот на луксузни смартфони „Vertu“ го претстави својот нов модел од серијата „Signature Touch“.
Уредот е со процесор „Snapdragon 810“, а има 4 GB RAM меморија. Во однос на останатите карактеристики, тој се одликува со 5.2-инчен дисплеј со резолуција од 1.080 пиксели и 21 мегапикселна задна камера која може да снима видео во 4К-формат.
Внатрешната меморија е вградена и е во износ од 64 GB, а има слот за картичка и можност проширување на меморијата до 2 TB. Смартфонот има два стерео звучници и е во можност да работи на 4G-мрежи.
Оперативниот систем му е „Android 5.1 Lollipop“. Батеријата е со капацитет од 3.160 mAh, со можност за брзо полнење со стандардот „QuickCharge 2.0“.
Смартфонот ќе може да се нарача од 28-ми септември до 8-ми октомври, а цената ќе биде помеѓу 6.500 и 13.700 фунти, во зависност од комбинацијата меѓу металите и егзотичната кожа, во кои се нуди.
