Норвешката нафтена компанија „Statoil“ до крајот на 2016 година ќе го намали бројот на вработени за 20 проценти, што значи зголемување во однос на првичниот план, изјави генералниот директор на оваа групација, Елдар Саетре.
Како што пренесува Ројтерс, на средината на јуни оваа година норвешкиот нафтен гигант соопшти дека до крајот на 2016 година ќе отпушти седум проценти од вработените, додека бројот на надворешни соработници ќе го намали за една третина, во контекст на падот на цените на сировата нафта.
„Мораме да го поедноставиме својот процес на работа и бизнисот да во водиме попаметно“, изјави Саетре на прес конференцијата и додаде дека таа компанија на крајот на 2016 година ќе има за 20 проценти помалку вработени отколку на почетокот на 2015 година.
На крајот на 2014 година „Statoil“ имал 22,516 вработени со полно работно време и 1.411 надворешни соработници.
