Јапонскиот производител „Mazda“ во Франкфурт го покажа својот нов концептуален модел, кој го носи името „Koeru“. Со него Јапонците како да сакаат да создадат нов сегмент, нов вид на кросовери.
Всушност „Koeru“ се преведува како „уништување на стереотипите“. Дизајнот на возилото е целосно во според брендот „Kodo“, а замислата на креаторите на автомобилот е тој да изгледа динамично. За таа цел кросоверот е опремен со спортска суспензија и моќен мотор, велат од „Mazda“.
Јапонците сепак не открија никакви детали за агрегатот на кој се потпира „Koeru“. Познато е само дека под хаубата е поставен мотор од семејството „SkyActiv“. Целосно таинствен е и ентериерот на кросоверот.
Претставниците на „Mazda“ сепак соопштија во Франкфурт дека засега „Koeru“ нема да биде дел од сериското производство на компанијата. Очекувањата се тој да биде во основата на новата генерација на големиот „CX-9“, кој ќе биде разгледуван како конкурент на „BMW X4“.