Минатата година „Apple“ успеа да продаде рекордни 10 милиони примероци на „iPhone 6“ и „iPhone 6 Plus“, и тоа за само 3 дена.
По секоја веројатност овој рекорд ќе биде подобрен, информираа од компанијата за „CNBC“.
Договорите за новите модели „iPhone 6s“ и „iPhone 6s Plus“ се многу силни и можат да ги надминат минатогодишните 10 милиони смартфони, соопштија од „Apple“.
Новите модели ќе бидат кај своите нови сопственици, почнувајќи од 25 септември.
Првично новите модели на паметни телефони ќе бидат достапни во 12 земји – Австралија, Канада, Кина, Франција, Германија, Хонг Конг, Јапонија, Нов Зеланд, Порторико, Сингапур, Велика Британија и САД.
Една од причините за повисоката продажба е дека „iPhone 6“ дебитираше во 9 држави, меѓу кои не беше Кина.
