Кристијано Роналдо во првите две првенствени рунди не постигна ниту еден гол, но успеа да надомести во третото коло против Еспањол. Португалецот во убедливата победа на Реал од 6:0 беше петкратен стрелец.
Роналдо постигна ‘хет трик’ во првите 20 минути, најпрвин погоди по асистенцијата на Модриќ, потоа реализираше пенал, на 3:0 зголеми по додавањето на Бејл.
До крајот на првиот дел Роналдо му асистираше на Бензема за 4:0, а во второто полувреме Роналдо постигна уште два гола во 61-та и 81-та минута.
Инаку на овој натпревар Роналдо стана најдобриот стрелец на Реал во Примера, Португалецот стигна до бројката од 230 голови во шпанското првенство и зад себе го остави легендарниот Раул.
Интересно Роналдо до 230 голови дојде во 2023 одиграни мечеви додека Раул до бројката од 228 голови во првенството стигна по 550 одиграни натпревари.
